Қолданбаға тіркелгеннен кейін Негізгі экран ашылады. Негізгі экранда келесі функциялар қолжетімді:
Өз аватарыңызға басып, профиліңізге өту;
Әріптестеріңіз бар чаттар мен ашық каналдарды, топтарды іздеу;
Қалам белгішесін басып чат жасау;
"Чаттар", "Танымал", "MyKazPost", "Қолданбалар" қойындыларына өту.

Әріптестеріңізді олар сіздің контактілер тізіміңізде бар болса немесе олардың пайдаланушы атын (username) білсеңіз ғана таба аласыз.

Иә, контактілер тізіміндегі және пайдаланушы атын (username) енгізіп пайдаланушыларды "Чаттар" бөліміндегі іздеу құралы арқылы табуға болады.

Жеке хат алмасуды бастау үшін "Чаттар" бөліміне өтіңіз, сонда Сіздің барлық чаттарыңыз болады. Жаңа чат жасау үшін "Чат құру" түймешігін немесе қалам белгішесін басыңыз. Осы түймешіктерді басқанда контактілерге қол жеткізу мүмкіндігін растау диалогы ашылады. Контактілерге қол жеткізуге рұқсат бермесеңіз, қолданба контактілеріңіздің қайсысы қолданбаға тіркелгенін біле алмайды. Хабарлама алмасуды бастау үшін қолданба контактілері тізімінен қажетті пайдаланушыны таңдаңыз. Контактілеріңіз әлі қолданбаны пайдаланбайтын болса, оларды "Шақыру" түймешігін басып шақырыңыз.

Әңгімелесушіге файл жіберу үшін қыстырғыш белгішесін басып, фотоларыңыз бен видеоларыңыз сақталатын "Галерея" бөлімін, ақша жіберуге болатын "Аудару" бөлімін, телефоныңыздағы контактілерді бөлісуге болатын "Контактілер" бөлімін, әріптесіңізге құжат жіберуге болатын "Құжаттар" бөлімін, өз орныңызды жіберуге болатын "Орын" бөлімін таңдау керек. Дауысты хабарлама жазу үшін диалог терезесіндегі микрофон белгішесін басып тұрып, жазуды бастау және төменгі оң жақ бұрыштағы қағаз ұшақ белгішесін басып жіберу керек.

Бір құсбелгі - хабарлама жеткізілді және әріптесіңізге хабарландыру жіберілді (ол хабарландыруларға рұқсат берген болса). Екі құсбелгі - хабарлама оқылды (әріптесіңіз SalemPost-тың ішіндегі сіз жіберген хабарлама бар чатты ашты).

Өз профиліңізге өту үшін қолданбаның жоғары панеліндегі фотоңызды басыңыз. Профиль экранында келесі функциялар қолжетімді:
Атыңыз, тегіңіз, фотоңыз;
Негізгі экранға қайту және профильді өңдеу түймешіктері;
Пайдаланушы аты (қосылған болса);
Профильге сілтеме (пайдаланушы аты қосылған болса);
Реттеулер;
Аккаунттан шығу үшін "Шығу" түймешігі.
*Аватар қойылмаған болса, пайдаланушы атының бірінші әріптері көрсетіледі.

Профиліңізді өңдеу үшін суреті бар түймешікті басу керек. Профильді өңдеу экранында атыңызды, тегіңізді өзгерту, аватар орнату және пайдаланушы атын қосу мүмкіндіктерді қолжетімді.

Пайдаланушы атын қосқаннан кейін профильге сілтемені қолданба ішінде және одан тыс бөлісуге болады.

Профильді өңдеу экранында пайдаланушы атын қосуға болады. Пайдаланушы атын қосқанда профиліңіз жария профиль болады да, басқа пайдаланушылар Сіздің телефон нөміріңізді білместен Сізді іздеу, жазу, топтарға қосу және каналдарға шақыру мүмкіндігіне ие болады.

Өз аккаунтыңыздан шығу үшін профильді өңдеу бөліміне өтіп, содан соң "Профильден шығу" түймешігін басу керек.

Аккаунтты жою үшін профильді өңдеу бөліміне өтіп, содан соң "Аккаунтты жою" түймешігін басу керек.

Арна құру үшін "Чаттар" бөлімінде қалам белгішесін басып, "Арна құру" параметрін таңдау керек. Ашылған арна құру формасында оның атауын көрсетуге, аватар таңдауға, сипаттама қосуға, жас шектеуін орнатуға, тақырыбын белгілеуге және арна түрін таңдауға болады. Арна түрі ретінде "жария" опциясы таңдалса, "сілтеме" деген қосымша міндетті жол шығады.

Топ жасау үшін қалам белгішесін басып, чат жасау экранында "Топ құру" түймешігін басыңыз. Топқа қосу керек контактілерді таңдап, көрсеткі белгішесін басыңыз. Әлі контактілеріңіз жоқ болса, іздеу құралын пайдалануға болады. Содан кейін топқа атау беруге, аватар қоюға және сипаттамасын жазуға болатын экран ашылады.

Жария арналарды іздеу арқылы кез келген пайдаланушы тауып, жазыла алады. Тек латын әріптерін (a-z), сандарды (0-9) және астын сызу таңбасын пайдаланып бірегей жария атау жасауға болады. Бірінші болып латын әріпін жазыңыз. Жеке арнаға тек шақыру сілтемесі арқылы жазылуға болады.

Топ жария болса, кез келген пайдаланушы оны тізімнен тауып, қосыла алады. Тек латын әріптерін (a-z), сандарды (0-9) және астын сызу таңбасын пайдаланып бірегей жария атау жасауға болады. Бірінші болып латын әріпін жазыңыз. Жеке топқа тек шақыру сілтемесі арқылы жазылуға болады.

Жабық арна профиліне өтіп, "Жазылушылар" түймешігін басып, содан соң төменгі оң жақ бұрыштағы "+" белгішесін басып, қажетті контактілерді таңдап, қайтадан "+" белгішесін басу керек.

Жабық топ профиліне өтіп, "Сілтеме бойынша шақыру" түймешігін басу керек. Содан соң сілтемені көшіріп алып, онымен қолданба ішінде не одан тыс бөлісуге болады.

Жария арна профиліне өтіп, содан соң "Жазылу/жазылудан бас тарту" түймешігін басу керек.

Қосылғыңыз келетін жария топты таңдап, экранның төменгі жағындағы "Қосылу" түймешігін басу керек.

Арнаға пост ұсыну үшін, алдымен сол арнаға жазылу керек. Содан соң арнаға өтіп, экранның төменгі жағындағы "Пост ұсыну" түймешігін басып, постты жасап, жоғарғы оң жақ бұрыштағы құсбелгіні басу керек. Бұл постты арна әкімшісі қарастырады. Сондай-ақ постыңызды "Мен ұсынған посттар" бөлімінен көруге, "Жою" түймешігін басып жоюға болады.

Арна профиліне өтіп, "Жазылушылар" түймешігін басып, әкімші етіп тағайындағыңыз келетін жазылушыны таңдап, "Әкімші етіп тағайындау" түймешігін басу керек. Оған белгілі әрекеттерді орындауға рұқсат беріп, жоғарғы оң жақ бұрыштағы құсбелгіні басып өзгертулерді сақтауға болады.

Топ профиліне өтіп, "Әкімшілер" түймешігін басып, ашылған терезеде "+" белгішесін басып, әкімші етіп тағайындағыңыз келетін пайдаланушыны таңдау керек.

Арна профиліне өтіп, "Хабарландырулар" (қосу/өшіру) түймешігін басу керек.

Топ профиліне өтіп, "Хабарландырулар" (қосу/өшіру) түймешігін басу керек.

"Танымал" бөліміне өтіп, "Менің арналарым" қойындысын ашыңыз. Осы терезеде Сіз жазылған барлық арналардың тізімі болады.

Сізге керекті топты бекіту үшін, сол жолды басып тұрып, терезенің оң жақ жоғарғы бұрышындағы үш нүктені басып, "Диалогты бекіту" түймешігін басу керек. Бекітілген диалогты алып тастау керек болса, дәл сол қадамдарды қайталап, "Диалогты алу" түймешігін басыңыз.

Бұл бөлімде "Казпошта" АҚ компаниясының барлық жаңалықтары көрсетіледі.

Қолданбаларды табу үшін Негізгі экрандағы "Қолданбалар" бөлімін ашыңыз. Нақты қолданбаны табу үшін жоғарғы оң жақ бұрыштағы лупа белгішесін басыңыз.

Қолданбаны таңдаулыға қосу үшін оны таңдап, қызмет атауының оң жағындағы үш нүктені басып, "Таңдаулыға қосу" параметрін таңдау керек. Қолданбаны таңдаулыдан жою үшін дәл сол қадамдарды қайталап, "Таңдаулыдан жою" параметрін таңдау керек.

QR сканерді пайдалану үшін "Қолданбалар" бөліміне өтіп, терезенің жоғарғы оң жақ бұрышындағы QR белгішесін басыңыз да, камераны қажетті QR кодқа апарыңыз.